CELL
GROUP SESSION # 1 – April 2, Thursday, 11am to 12 nn (1 hour)
INSTRUCTIONS:
1.
GETTING
TO KNOW EACH OTHER AND TESTIMONIES: Bago ang lahat, ang bawat miyembro ng Cell
Group ay magpakilala sa isa’t isa:
1.1
– Pangalan
1.2
– Edad
1.3
– Lokal, tungkulin sa lokal
1.4
– Kung bisita ay sabihin kung sino ang nagimbita
1.5
– Kung kapatid na ay ikuwento kung paano ka
naging mananampalataya
·
Bawat “Believer” sa Cell Group ay maglahad ng
kanyang testimonya sa KUNG PAANO NIYA NAKIKILALA AT TINANGGAP ANG PANGINOONG
JESUS.
2.
TALAKAYAN: Talakayin ang mga sumusunod:
MGA PANGUNAHING TALATA:
Ito ang mga pangunahing mga talata na magiging batayan ng mga Cell Group
Sessions. Dito natin hinango ang ating
Camp Theme sa 13th Bible Camp 2015 na:
CAMP THEME: MAGLIWANAG TULAD NG ILAW — SAMANTALANG INIHAHATID ANG
BALITA NG KALIGTASAN!
(“Shine
as light —while spreading the news of salvation!)
BIBLE READING: (Bawat
miyembro ng CG ay magbasa ng isang talata)
Php
2:12 Kaya nga, mga minamahal, higit na kailangang maging masunurin kayo ngayon
kaysa noong kasama ninyo ako. May takot at panginginig na magpatuloy kayo sa
paggawa hanggang sa malubos ang inyong kaligtasan,
Php
2:13 sapagkat ang Diyos ang nagbibigay sa inyo ng pagnanasa at kakayahang
maisagawa ang kanyang kalooban.
Php
2:14 Gawin ninyo ang lahat ng bagay nang walang tutol at pagtatalo,
Php
2:15 upang kayo’y maging ulirang mga anak ng Diyos, malinis at walang
kapintasan sa gitna ng mga taong liko at masasama. Sa gayon, magsisilbi kayong ilaw
sa kanila, tulad ng talang nagniningning sa
kalangitan,
Php
2:16 samantalang inihahatid ninyo sa kanila ang balita ng kaligtasan. Pagdating
ni Cristo ay maipagmamalaki ko kayo sapagkat hindi nawalan ng kabuluhan ang
aking pagpapagal.
PAGBULAYIN, TALAKAYIN ANG MGA SUMUSUNOD:
1. “Ang
liwanag ay tahimik, ngunit may ipinakikita.
Ang liwanag ay banayad, ngunit may ipinakikitang kapangyarihan.
2. Ang
liwanag ay humihiwalay sa paglubog ng araw, ngunit ito ay nananatili sa
pamamagitan ng maraming nagniningning na bagay sa kalangitan hanggang sa muling
pagbubukang liwayway.
3. Habang
tayo ay nagliliwanag, nauupos tayo, ngunit ang pag-aalay ay hindi mauuwi sa
kawalan ng kabuluhan.”
(Isinalin
sa tagalog mula sa “Through the Bible, F.B. MEYER”
CELL
GROUP SESSION # 2 – April 2, Thursday, 1 to 2 pm (1 hour).
1.
OPENING
PRAYER
2.
BIBLE
READING – (basahin ng isang kapatid sa cell group ang Pilipos 2:15)
3.
TALAKAYAN – Sa Pangunguna ng Cell Group Leader
PAKSA: MAGLIWANAG TULAD SA ILAW – SA GITNA NG MGA TAONG LIKO AT MASASAMA
MAIN VERSE:
Php 2:15 upang kayo’y maging ulirang mga anak ng Diyos, malinis at walang
kapintasan sa gitna ng mga taong liko at masasama. Sa gayon, magsisilbi kayong ilaw sa kanila, tulad
ng talang nagniningning sa kalangitan,
-
Tagalog Popular Version
-
Sa salin ng Biblia na “Ang Bagong Ang Biblia”,
ang mga salitang “sa
gitna ng mga taong liko at masasama” ay naisulat na “sa gitna ng isang salinlahing liko at masama”.
I.
ANG PAGSAMA NG
PANAHON
Habang tumatanda ang daigdig ito
naman ay patuloy sa kasamaan. Habang
papalapit ang katapusan ng kasaysayan ng mundo ay lalong nagiging masama ang
mga maraming mga tao. Napakaraming mga
talata ng Biblia ang nagsasaad ng katotohanang ito at ang ilan lamang ay ang
mga sumusunod:
1. Ito ay palatandaan na malapit na ang muling
pagparito ng Panginoong Jesus:
Rev
22:10 At sinabi rin niya sa akin,
“Huwag mong ililihim ang mga hulang nasa aklat na ito, pagkat malapit nang
maganap ang mga ito.
Rev
22:11 Ang masama ay magpatuloy sa
pagpapakasama, ang marumi sa kanyang pagpapakarumi, ngunit ang mabuti
ay magpatuloy sa pagpapakabuti, at ang banal sa pagpapakabanal.”
2. Ito rin ang naisulat sa aklat ni Daniel sa
Matandang Tipan
Dan
12:4 Ngunit ikaw, O Daniel, ilihim mo ang mga salita, at tatakan mo ang aklat hanggang sa panahon
ng wakas. Marami ang tatakbo ng paroo't parito, at ang kaalaman ay
lalago." (- Ang Bagong Ang Biblia)
Dan
12:9 Sinabi niya sa akin,
“Tumahimik ka na, Daniel. Ang kahulugan nito’y mananatiling lihim hanggang sa
huling araw. (- Tagalog Popular Version)
KOMENTO: Ang Daniel 12:4 ay halos kabaligtaran ng nasa
Apocalipsis (22:10) Naunang naisulat ang
aklat ni Daniel sa Matandang Tipan. Humigit
kumulang sa 160 na taon bago naisulat ang Apocalipsis. Nuong panahon ni Daniel ay hindi ipinaunawa
ng Diyos ang kahulugan ng mga ipinasulat sa sa aklat ni Daniel kaya nga ito ay
“inilihim” at “tinatakan” – mga salitang nagpapahiwatig na hindi nga mauunawaan
ang nasusulat.
3. Babala ni Apostol Pablo nuong unang siglo
palang ay kaniyang isinulat na magiging mapanganib ang panahon sa mga “huling
araw”…
2Timoteo
3:1 Ang mga Huling Araw
Tandaan mo ito: mababatbat ng kahirapan
ang mga huling araw.
2Timoteo
3:2 Ang mga tao’y magiging makasarili, gahaman sa salapi, palalo, mayabang,
mapang-alipusta, suwail sa magulang, walang utang na loob at lapastangan sa
Diyos.
2Timoteo 3:3 Bukod dito, magiging malupit sila, walang
habag, mapanirang-puri, mapusok, marahas, at mamumuhi sa mabuti.
2Timoteo 3:4 Hindi lamang iyan, sila’y magiging taksil,
walang taros, palalo, at mahilig sa kalayawan sa halip na sa mga bagay na ukol
sa Diyos.
2Timoteo 3:5 Sila’y magkukunwang may pananampalataya
ngunit hindi naman makikita sa buhay nila ang kapangyarihan nito. Iwasan mo ang
mga ganitong tao.
2Timoteo 3:6 May ilan sa kanila na gagamit ng
panlilinlang upang makapasok sa bahay ng mga babaing hangal. Bibihagin nila ang
mga ito na batbat ng kasalanan at alipin ng sari-saring pita.
II.
MAHALAGANG PUNTO
NA DAPAT MABIGYAN NG DIIN
Sa
kabila ng kasamaan ng paligid, ayon sa Pilipos 2:15, ang mga Cristiano ay dapat
maging:
1.
–
Ulirang mga anak ng Diyos
2.
–
Malinis at walang kapintasan
3.
- Magsilbing ilaw (liwanag)
1. Ulirang mga anak ng Diyos. Ang mga Cristiano ay dapat na maging ulirang
mga anak ng Diyos. Saan ba dapat maging
uliran. Talakayin sa grupo ang sinasabi
sa 1 Timoteo 4:12 na maging uliran sa mga sumusunod:
1) Sa
pananalita
2) Ugali
3) Pag-ibig
4) Pananampalataya,at
5) kabanalan
1Timoteo
4:12 Huwag mong bigyang-daan na
hamakin ka ninuman dahil sa iyong kabataan. Sa halip, pagsikapan mong maging huwaran ng mga sumasampalataya:
sa pananalita, ugali, pag-ibig, pananampalataya, at kabanalan.
2. Malinis at walang kapintasan. Paano natin mararating ito? Sa dalangin ni Pablo sa Diyos para sa mga
taga Pilipos ay nais niya na mag-ibayo (paunlarin)
ang pag-ibig nila at masangkapan o
madadagan pa ng malinaw na pagkakilala at malawak na pagkaunawa. Hindi
basta basta pag-ibig. Ang pag-ibig
na nararapat sa Crisitiano ay ang pag-ibig na nakatayo sa malinaw na
pagkakilala at malawak na pagkaunawa.
Pagkakilala at pagkaunawa — mga salita nagpapakita sa atin ng
kahalagahan ng patuloy na pag-aaral ng
Salita ng Diyos — dahil ang Salita ng Diyos ang magbibigay sa atin ng
wastong kaalaman ng kalooban ng Diyos.
Php 1:9 Idinadalangin ko sa Diyos na mag-ibayo ang inyong
pag-ibig at masangkapan ng malinaw na pagkakilala at malawak na pagkaunawa
Php 1:10 upang mapili ninyo
ang pinakamahalaga sa lahat ng bagay. Sa gayon, pagdating ng Araw ng pagbalik
ni Cristo, masumpungan kayong malinis, walang kapintasan,
Php 1:11 at puspos ng
magagandang katangiang[b] kaloob sa inyo ni Jesu-Cristo, sa
karangalan at kapurihan ng Diyos.
3. Magsilbing ilaw (liwanag). Ang mga Cristiano ang liwanag o ilaw ng
sanglibutan. Gaya din na sinasabi ng
Panginoong Jesus na…
Mat
5:14 “Kayo’y ilaw sa sanlibutan.
Hindi maitatago ang isang lunsod na nakatayo sa ibabaw ng burol.
Mat 5:15 Walang nagsisindi ng
ilaw at naglalagay nito sa ilalim ng takalan. Sa halip ay inilalagay ito sa
talagang patungan upang matanglawan ang lahat ng nasa bahay.
Mat 5:16 Gayon din naman,
dapat ninyong paliwanagin ang inyong ilaw sa harapan ng mga tao, upang makita
nila ang inyong mabubuting gawa, at luwalhatiin ang inyong Amang nasa langit.”
-WAKAS NG SESSION # 2
CELL
GROUP SESSION # 3 – April 3, 11am-12nn, Friday (1 Hour)
1.
OPENING PRAYER
2.
BIBLE
READING – (basahin ng isang kapatid sa cell group ang Pilipos 2:12)
3.
TALAKAYAN – Sa Pangunguna ng Cell Group Leader
PAKSA: MAGLIWANAG TULAD SA ILAW – MAGING MASUNURIN. MAGPATULOY SA PAGGAWA HANGGANG SA MALUBOS ANG INYONG
KALIGTASAN
MAIN VERSE
Php
2:12 Kaya nga, mga minamahal, higit na kailangang maging
masunurin kayo ngayon kaysa noong kasama ninyo ako. May
takot at panginginig na magpatuloy
kayo sa paggawa hanggang sa malubos ang inyong kaligtasan,
3 MAHAHALAGANG PUNTO ANG ISINASAAD NG
TALATA.
Kaugnay sa magliwanag
tulad sa ilaw, 3 mahahalagang punto ang nasa talata:
1. Maging
masunurin
2. May Takot
at panginginig
3. Magpatuloy
sa paggawa hanggang sa malubos ang kaligtasan.
1.
MAGING MASUNURIN
Dito ay ipinaliliwanag ni Pablo na dapat
maging higit na masunurin ang mga Cristiano lalo na sa kalagayan na hindi nila
kaharap ang apostol, kaya nabanggit ang salitang “higit”. Ito ay nagpapakita na dapat maging maingat
sila dahil nga malayo ang apostol sa kanila na maaaring magbigay sa kanila ng
paalala agad-agad kung ito ay kaharap nila.
Ang pagiging masunurin ay nangangahulugan ng “AKSYON” o PAGKILOS. Ito ay ang PAGTUPAD ng mga Cristiano ng
kanilang mga natututunan mula sa pakikinig ng mga aral ng Diyos.
1.1
– Ang
pagiging masunurin ay isang malaking ebidensya ng isang tunay na
sumasampalataya at umiibig sa Diyos at kay Cristo…
1Jn
2:3 Nakatitiyak tayong
nakikilala natin ang Diyos kung sinusunod
natin ang kanyang mga utos.
1Jn
2:4 Ang nagsasabing, “Nakikilala ko siya,” ngunit sumusuway naman sa kanyang
mga utos ay sinungaling, at wala sa kanya ang katotohanan.
KOMENTO: Muli, ay nadito na naman ang halaga ng
patuloy na pag-aaral ng Salita ng Diyos.
Paano natin mababatid ang mga utos ng Diyos? Ito ay sa pamamagitan ng Biblia na siyang
Salita ng Diyos.
2.
MAY TAKOT AT
PANGINGINIG (“Fear and trembling”).
Ang ating Diyos ay Diyos ng
pag-ibig. Ito ay tutoo dahil sinasabi
ito ng Biblia. Ito ang popular ngayon sa
pangangaral. Ang nais lamang na marinig
ng mga tao ay ang tungkol sa pag-ibig at pagmamahal ng Diyos. Ayaw na nilang marinig ang tungkol sa poot,
galit, pagpaparusa ng Diyos kaya bihira naring madinig ang tungkol sa pagsumbat
sa kasalanan, pag-uusig ng budhi, pagsisisi sa kasalanan, paghuhukom,
dagat-dagatang apoy, at impiyerno.
Subalit ito ang malaking dahilan kung bakit dapat nating kilalanin si
Cristo. Si Jesus mismo ang nagtuuturo
nito…
Joh
3:36 Ang nananalig sa Anak ay may
buhay na walang hanggan; ngunit ang hindi tumatalima sa Anak, hindi magkakaroon
ng buhay|—|mananatili sa kanya ang poot ng Diyos.
Joh
3:36 Ang sumasampalataya sa Anak ay may buhay na
walang hanggan; ngunit ang hindi sumusunod
sa Anak ay hindi makakakita ng buhay, kundi ang poot ng Diyos ay
nananatili sa kanya. (-Ang Bagong Ang Biblia)
KABUTIHAN AT
KABAGSIKAN NG DIYOS:
Rom
11:22 Dito’y makikita natin ang kabutihan ng Diyos at ang kabagsikan niya.
Mabagsik siya sa mga di nananalig sa kanya, subalit mabuti sa inyo, kung
mananatili kayo sa kanyang kabutihan. Kung hindi, ikaw ma’y puputulin.
KOMENTO SA Roma 11:22
Ito ay
isinulat ni Pablo sa konteksto ng nangyari sa mga Israelita na hindi
sumampalataya kay Cristo at sa mga Hentil na sumampalataya kay Cristo. Ang mga Israelita ang mga orihinal na mga
sanga sa isang punong olibo at ang mga Hentil naman ay mga sanga lamang mula sa
olibong ligaw. Pinutol ng Diyos ang mga
orihinal na sanga (mga Israelita) dahil sa kawalan nila ng pananampalataya, at
ikinabit naman ng Diyos ang mga Hentil, na mga sanga mula sa olibong ligaw,
dahil naman sa kanilang pananampalataya.
Ang Diyos ay mabuti duon sa mga nananalig sa Kanya at sumusunod subalit
mabagsik sa mga masuwain na walang pananalig sa Kanya. Hindi
kinalulugdan ng Diyos ang hindi nananalig sa kanya, iyan ang ipinakikita
naman sa Hebreo 11:6…
Heb
11:6 At hindi kinalulugdan ng
Diyos ang hindi nananalig sa kanya. Sapagkat ang sinumang lumalapit sa Diyos ay
dapat maniwalang may Diyos, at siya ang nagbibigay ng gantimpala sa mga
humahanap sa kanya.
TAKOT AT PANGINGINIG (“Fear
and Trembling”)
Ang kahulugan na “takot at panginginig” na ginamit sa
talatang ito (Pilipos 2:12) ay literal.
Sa madaling salita, ang tamang “pagkatakot sa Panginoon” ay
kinabibilangan ng:
2.1 – Pagbibigay ng paggalang at paghanga
(“reverence and awe”)
2.2 – Ang pagkatakot na baka masaktan (“ma – offend”)
natin ang Diyos. Ito ang pagkatakot na
magkasala tayo na ikagagalit ng Diyos.
KOMENTO: Sa talatang ating pinag-aaralan (Pilipos
2:12), ang takot at panginginig ay iniugnay ni Pablo sa pagpapatuloy ng mga
Cristiano sa paggawa hanggang sa malubos ang kaligtasan. Ganyan natin ipagpapatuloy ang ating
paggawa. May takot at panginginig.
3.
MAGPATULOY SA
PAGGAWA HANGGANG SA MALUBOS ANG KALIGTASAN
Bagama’t ang mga Cristiano ay
naligtas sa pamamagitan ng pananampalataya at hindi ng gawa, ito ay HINDI
nangangahulugan na hindi na tayo kikilos para sa pagpapaunlad ng ating
kalagayang ispirituwal sa harap ng Diyos.
Maliwanag naman sa talata na PINAKIKILOS NGA TAYO. Ang paggawa ng mabuti ay nararapat
masumpungan sa bawat isa bilang mga naligtas na sa pamamagitan ng biyaya o sa
pamamagitan ng pananampalataya — SAPAGKAT DITO TAYO ITINALAGA NG DIYOS.
Eph
2:10 Tayo’y kanyang nilalang,
nilikha sa pamamagitan ni Cristo Jesus upang iukol natin ang ating buhay sa
paggawa ng mabuti, na itinalaga na ng Diyos para sa atin noon pa mang una.
“HANGGANG SA MALUBOS ANG KALIGTASAN”.
Hanggang dito ang mga Cristiano dapat kumilos. Ito ay nagpapakita sa atin na mayroon din
naman tayong dapat ikilos, ipagpunyagi, ipaglaban. Meron din namang “effort” na manggagaling sa
atin upang tayo ay umunlad sa ating pananampalataya at relasyon sa Diyos. Sa salin ng Biblia sa Revised Tagalog Popular Version…
Php
2:12 Kaya nga, mga minamahal, tulad ng inyong
buong-pusong pagsunod noong ako’y kasama pa ninyo, lalo kayong maging masunurin
ngayong ako’y malayo sa inyo. Pagsumikapan
ninyong maging ganap ang inyong kaligtasan nang may lubusang paggalang at
pag-ibig sa Diyos,
-Wakas ng Session #3-
CELL GROUP SESSION # 4 –
April 3, 1pm-2pm, Friday (1 Hour)
1.
OPENING PRAYER
2.
BIBLE
READING – (basahin ng isang kapatid sa cell group ang Pilipos 2:13)
3.
TALAKAYAN – Sa Pangunguna ng Cell Group Leader
PAKSA: MAGLIWANAG TULAD SA ILAW – SA PAMAMAGITAN NG PAGKILOS NG DIYOS SA ATING BUHAY
Php
2:13 sapagkat ang Diyos ang nagbibigay sa inyo ng pagnanasa at
kakayahang maisagawa ang kanyang kalooban.
INTRODUCTION:
Sa konteksto ng Pilipos 2:12-16
ay itinuturo sa atin na sa kabila ng mga balakid, dahil ang mga Cristiano ay
naninirahan sa gitna ng “lahing liko at masama”, na tayo ay pinalilibutan ng
masamang daigdig, ay kinakailangan na tayo ay magliwanag na tulad sa ilaw ng
sanglibutang nababalutan ng kadiliman.
Maraming mga bagay ang nakapipigil sa atin at nagdudulot sa atin ng
kahinaan ng loob upang itanyag ang Mabuting Balita ng Kaligtasan — ang
Ebanghelyo. Datapuwat ang talatang ito (Pilipos 2:13) ay nagbibigay sa atin ng pag-asa at
lakas ng loob upang magampanan natin ang ating tungkulin na magliwanag na gaya
ng isang ilawan. Ang sabi ng talata ay:
“…ang Diyos ang
nagbibigay sa inyo ng pagnanasa at kakayahang maisagawa ang
kanyang kalooban” (Pilipos 2:13)
Sa Diyos nanggagaling ang ating pagnanasa at
kakayahang maisagawa ang Kanyang kalooban.
Nagkakaroon tayo ng pagnanasa at kakayahan dahil ito ay ibinibigay sa
atin ng Diyos. Dito
natin hinahango ang ating paksa ngayo na sa pamamagitan ng pagkilos ng Diyos sa
ating buhay ay magagawa nating magliwanag na tulad sa ilaw.
Sa konteksto ng Pilipos 2:12-16, ang partikular na
“kalooban” ng Diyos na tinatalakay ni Pablo ay ang ating pamumuhay sa gitna ng
masamang kapaligiran, na bilang mga Cristiano ay nais ng Diyos na maging
ulirang mga anak ng Diyos, malinis at walang kapintasan, magsilbing ilaw sa mga
hindi mananampalataya. May kasabihan nga
na “mahirap na magpakatao sa gitna ng mga nag-aasal hayop”. Mahirap magpakatino sa gitna ng magulong
kapaligiran at mga walang disiplinang mga tao.
Mahirap magpakabanal kung napakaraming mga balakid, suliranin, dinadala
at iba’t ibang negatibong mga bagay sa paligid na makapagpapahina ng
kalooban. Sa sarili natin ay mahirap
talaga. Kung tayo ay aasa lamang sa
sariling kakayahan ay mahirap talaga.
Subalit – isang malaking SUBALIT, ang pinaghuhugutan natin ng kalakasan
ay ang Diyos na makapangyarihan sa lahat…
Dahil ang Diyos ang
nagbibigay sa atin ng pagnanasa at kakayahang maisagawa ang Kanyang kalooban ay
nagpapakita ito sa atin na:
1.
Hindi tayo nag-iisa sa pagsasakatuparan na “magliwanag bilang ilaw ng sanglibutan” – Ang Diyos ang nagpasimula nito sa atin at
Siya din ang tatapos nito. Sa
parehong grupo ng mga Cristiano na sinulatan ni Pablo, ang mga taga Pilipos, ay
naunan na niya binanggit sa unahan ng kanyang sulat sa Pilipos na ating
pinag-aaralan ang ganito…
Php 1:6 Tinitiyak ko sa inyong ang mabuting gawa na pinasimulan sa inyo ng Diyos ay kanyang lulubusin hanggang sa Araw ng pagbabalik ni
Cristo Jesus.
2. Sa mga taga Pilipos din mismo na sinabi ni Pablo na “magagawa niya ang
lahat ng mga bagay…”
Php 4:13 Ang lahat ng ito’y magagawa ko dahil sa lakas na kaloob
sa akin ni Cristo.
MAY KAPANGYARIHANG INILAAN ANG DIYOS PARA SA
ATIN
Hindi tayo nag-iisa. Kasama natin ang Diyos. Subalit paano magaganap sa atin ang
pagpapatnubay na ito ng Diyos na mabigyan tayo Niya ng “pagnanasa at kakayahan”
na magawa ang Kanyang kalooban?
1.
Gaya ng
nabanggit ni Pablo sa kanyang sulat sa mga taga Efeso (Bigyang pansin ang mga
naka “highlight” at “bold letters”.
Eph
1:15 Kaya nga, mula nang
mabalitaan ko ang tungkol sa inyong pananalig sa Panginoong Jesus at ang inyong
pag-ibig sa lahat ng hinirang,
Eph 1:16 walang humpay ang
pasasalamat ko sa Diyos para sa inyo. Inaalaala ko kayo sa aking pananalangin,
Eph 1:17 at hinihiling sa
Diyos ng ating Panginoong Jesu-Cristo, ang dakilang Ama, na pagkalooban niya
kayo ng espiritu ng karunungan at ng tunay na pagkakilala sa kanya.
Eph 1:18 Nawa’y liwanagan ng Diyos ang inyong mga isip upang malaman ninyo ang ating inaasahan sa
kanyang pagkatawag sa atin. Ito’y ang kaluwalhatiang inilaan niya sa
kanyang mga hinirang,[b]
Eph 1:19 at ang walang hanggang
kapangyarihan niya sa atin na mga nananalig sa kanya. Ang kapangyarihan ding iyon
Eph 1:20 ang
muling bumuhay kay Cristo at nagluklok sa kanya sa kalangitan, sa kanan ng
Diyos.
PAGSUSURI: Mula sa mga talata sa Efeso (1:15-20) ay
ating matutunghayan ang mga sumusunod na katotohanan:
1. ESPIRITU NG KARUNUNGAN AT TUNAY NA
PAGKAKILALA KAY CRISTO
Ang panalangin ni Pablo sa mga taga
Efeso ay pagkalooban sila ng espiritu ng karunugan at tunay na pagkakilala kay
Cristo (Efeso 1:17). Hindi naman dahil
hindi nila kilala si Cristo dahil ang mga taga Efeso ay mga Cristiano na gaya
ng lahat ng mga sinulatan ni Pablo sa Bagong Tipan. Datapuwat ang talatang ito ay nagpapahiwatig
sa atin ng “mas mataas na lebel o antas”
ng pagkakilala kay Cristo. Mas malalim na relasyon kay Cristo.
2. LAYUNIN …
2.1 - Ang Efeso 1:18 ay nagsasaad ng layunin kung bakit ganuon ang
nais ni Pablo sa talatang 17 — na pagkalooban sila ng Diyos ng espiritu ng
karunungan at tunay na pagkakilala kay Cristo.
Ito ay upang malaman ang inaasahan
sa pagiging Cristiano natin at ito ay nakatuon sa kaluwalhatiang inilaan.
2.2 - Sa talatang 19 naman ay idinugtong pa ni Pablo na maging ang
walang hanggang kapangyarihan ng Diyos sa atin ang nais ni Pablo na makamit ng
mga mananampalataya.
ANG KAPANGYARIHAN.
Mayroong kapangyarihan na inilaan
para sa atin ang Diyos at ang kapangyarihang iyan ay iyon din ang
kapangyarihang ginamit ng Diyos sa pagkabuhay na mag-uli ni Cristo at yun din
ang kapangyarihang nagluklok kay Cristo sa kalangitan (Efeso 1:20).
Grabe at dakila ang kapangyarihang inilaan para sa atin ng
Diyos na magagamit natin maging habang tayo ay nabubuhay pa sa lupa hanggang sa
buhay na walang hanggan!
ANG KAPANGYARIHANG ITO AY HIGIT PA KAYSA
LAHAT NA MAAARI NATING HILINGIN AT ISIPIN!
Eph
3:20 Sa Diyos na makagagawa nang
higit kaysa lahat ng maaari nating
hilingin at isipin, sa pamamagitan ng kanyang kapangyarihang naghahari
sa atin—
Sa mga salitang ito sa Efe 3:20, kung ganap lamang natin ito
sasampalatayanan ay tunay na wala ng dahilan upang tayo ay panghinaan ng
kalooban sa pagtupad ng ating mga tungkulin.
ANG LAHAT NG MGA
KATOTOHANAN ITO NA ATING BINASA SA SULAT NAMAN SA EFESO AY NAGHAHATID SA ATIN
SA KATOTOHANAN NA TAYO AY BINIBIGYAN NG DIYOS NA ISPIRITUWAL NA LAKAS
(“SPIRITUAL STRENGTH”)
UPANG MAKAMIT ANG KAPANGYARIHANG INILAAN NG
DIYOS PARA SA MGA CRISTYANO
PAPAANO MANGYAYARI SA ATIN ANG MGA BAGAY NA ITO? Na ang Diyos ay kumikilos sa buhay
natin? Ito ay hindi nakakamit sa
pamamagitan ng imahinasyon lamang. Hindi
ito makakamit ng wala din namang “effort” na manggagaling sa atin at wala
tayong pinaghuhugutan ng pagnanasa at kakayahan na nanggagaling sa Diyos. Ano-ano ba ang itinuturo ng Biblia sa kung
paano tayo magkakamit ang “kapangyarihang” ito na galing sa Diyos – ang
“pagnanasa at kakayahan” na binabanggit ni Pablo?
A. SA PAMAMAGITAN NG PANALANGIN. Gaya ng ginawa ni Pablo para sa mga taga
Efeso,
Eph 3:16 Hinihiling ko,
ayon sa kanyang kayamanan at kadakilaan, na
palakasin niya ang inyong buhay espirituwal sa pamamagitan ng kanyang
Espiritu.
B. SA PAMAMAGITAN NG SALITA NG DIYOS
1.
Sa pagtuturo din ni Pablo sa sulat niya sa Efeso
na
Eph 6:10 Sa wakas, magpakatibay
kayo sa pamamagitan ng inyong pakikipag-isa sa Panginoon at sa tulong ng
dakilang kapangyarihan niya.
… ay sinundan niya ito ng pagtuturo na gamitin ang “kagamitan at sandatang
pangdigma” ng Diyos (“ Full armor of God”)
Eph
6:11
Gamitin ninyo ang lahat ng kagamitan at sandatang pandigma na kaloob ng
Diyos, upang mapaglabanan ninyo ang mga pakana ng diyablo.
-(Revised Tagalog Popular Version)
2. Maliwanag din na ang kagamitan at sandatang pangdigma ng Diyos ay
a)
Katotohanan (truth) –
Efe 6:14
b)
Ebanghelyo o Mabuting
Balita (Gospel) – Efe 6:15
c)
Pananampalataya
(Faith) – Efe 6:16
ANG LAHAT NA NABANGGIT NA ITO AY MULA SA SALITA NG DIYOS
3. Ang
Salita ng Diyos mismo ay isinalarawa bilang
“tabak” o espada (“sword”) Efe
6:17.
a)
Marapat lamang na
magamit ito bilang armas upang abutin ang ibang mga tao.
b)
Di ba’t and Salita ng
Diyos din ang ginamit sa atin upang tayo ay maabot at maakay sa kaliwanagan?
1)
Sa pamamagitan ng
Salita ng Diyos ay isinilang tayong muli – 1Pedro
1:23; Sant 1:18
2)
Sa pamamagitan ng
Salita ng Diyos ay naligtas ang ating mga kaluluwa – Sant 1:21
Kaya bayaan natin na ang Salita ng Diyos na maging
daan upang tayo ay mapalakas ng Diyos sa ating pagkataong-loob, kumilos sa
atin, maging sa pagnanasa at paggawa para sa ikalulugod NIYA.
-
WAKAS NG SESSION # 4 -
